ken ni mervyn mendoza

mamaen kadi a mapasag itan ti arapaap
iti sirok ti arimbangaw unibersidad a siudad?

adda kadi itan mapugsot a katawa
ti anges a mangdepdeppa iti diploma?

ditay ammo ngamin kararua ti lidem
agbaribaritayo kadagiti mabisbisin a malem

kaano pay nga agaligagget ti pus-ong ti lagoon
iti bagsol ti sipnget a nangpapatay iti parbangon?

dagitoy ngamin a kaarubatayo a marmarna
mabisbisinanda iti atang a dida makitkita.

inton maminsan awagantayo ti baglan
ta orasionanna ti linak a di mangyaw-awan

adda koma man darekdek dagiti engkanto
ta dida asaken dagiti palakay ti estado

ngem kasano nga aladam dagiti palangguad
nga agkagay iti silap ti kotse a makaprad?